TAMIL WEB - தமிழ் வலைத்தளம்.

நாள் ஒன்றுக்கு ஒரு பில்லியன் நபர்களை தன்வசப்படுத்தும் பேஸ்புக்

tamil — Sat, 05 Nov 2011 11:06:28 GMT

இருபத்தினான்கு மணியத்தியாலங்களுக்குள் ஒரு பில்லியன் பேஸ்புக் பாவனையாளர்கள் இணையதளங்களுடன் தொடர்பு கொள்வதாக கணிப்பீட்டுத் தகவல்கள் தெரிவிக்கின்றன.

அவர்களில் 600 ஆயிரம் பேர் பல மோசடிகளில் ஈடுபடுபவர்களாக இருப்பார்கள் என தெரிவிக்கப்படுகிறது.

இவர்கள் இணையதளத்தில் தோன்றும் செய்திகள், புகைப்படங்கள் என்பனவற்றை அனுமதியின்றி பெற்றுக் கொள்கின்றனர். பிறரின் தனிப்பட்ட விபரங்களையும் பெற்றுக் கொள்கின்றனர் எனத் தகவல் தெரிவிக்கின்றது.

கணிப்பீடுகளின்படி குறித்த நபர்கள் எவ்வாறு இவற்றினை தினமும் பெறுகிறார்கள் எனவும் விளக்கம் தரப்படுகிறது. இவ்வாறான செயல்படுபவர்களைத் தடுப்பதற்கு பேஸ்புக் இணையதளம் ஒரு சில உத்திகளை மேற்கொண்டு வருவதாகவும் தெரிவிக்கிறது.

நண்பர்கள் தமது கடவுச் சொல்லை கேட்கும் போது அவற்றினை வழங்கவதில் அவதானமாக இருக்க இருக்க வேண்டுமென தெரிவிக்கப்படுகிறது.

பேஸ்புக் ஒப்பந்தம் செய்யும் போது வேறொருவர் அதன் கணக்குகளை மோசடி செய்வர் என எதிர்பார்க்க முடியுமென எச்சரிக்கை செய்கிறது. இன்னொருவருடைய பேஸ்புக் கணக்கை பெற்றுக் கொள்பவர் அவரது நண்பர்களுடைய தகவல்களைப் பெற்று பல குளறுபடிகளை செய்யலாம் எனவும் எச்சரிக்கை செய்கிறது.

உலாவி, இயங்குதளம் மற்றும் தேடல் பொறிகளின் சந்தை.

tamil — Sat, 05 Nov 2011 10:16:05 GMT

உலாவி, இயங்குதளம் மற்றும் தேடல் பொறிகள் தொடர்பில் எமக்கு விளக்கம் தேவையில்லை.

காரணம் இவற்றைப் பற்றி நாம் கேள்விப்பட்டுள்ளதுடன் நன்கு அறிந்தும் வைத்துள்ளோம்.

பொதுவாக உலாவி எனக்கூறும் போது நமக்கு முதலில் ஞாபகம் வருவது இண்டர்நெற் எக்ஸ்புளோரர் ஆகும்.

மைக்ரோசொப்டின் தயாரிப்பான இது இணைய உலகில் பல வருடங்களாக தனது ஆதிக்கத்தினை செலுத்திவந்தது.

எனினும் பின்னர் பயர்பொக்ஸ் மற்றும் குரோம் உலாவிகளின் வருகைக்குப் பின்னர் இண்டர்நெற் எக்ஸ்புளோரர் தனக்கான கேள்வியை இழக்கத்தொடங்கியது.

இயங்குதளம் எனக்கூறும் போது முதலில் ஞாபகம் வருவது விண்டோஸ் .அதன் பின்னர் லினக்ஸ், அப்பிளின் மெக் என்பவையாகும்

தேடல்பொறி என்றதுமே முதலில் கூகுள் எனக்கூறமுடியும் .பின்னர் யாஹூ, பிங் எனலாம்.

இவற்றைப்பற்றி நாம் அறிந்து வைத்துள்ள போதிலும் சந்தையில் அவற்றுக்கான நிலை என்ன என்பது எமக்குத் தெரியாது.

நெட்மார்க்கட் ஷெயார் எனப்படும் பிரபல இணைய ஆராய்ச்சி நிறுவனம் இவற்றின் தற்போதைய நிலை தொடர்பில் புள்ளிவிபரங்களை வெளியிட்டுள்ளது.

அது தொடர்பான ஒரு பார்வை இதோ:

உலாவிகள்

டெஸ்க்டொப் கணனிகளுக்கான உலாவிகளின் சந்தையில் சுமார் 7 வருடங்களுக்கு முன்னர் 95 % தன்வசம் வைத்திருந்தது எக்ஸ்புளோரர் .எனினும் தற்போதைய சந்தைப் பங்கு வெறும் 52.6% மட்டுமே ஆகும்

வேகமாக வளர்ச்சியடைந்து வரும் பயர்பொக்ஸ் 22.5% குரோம் 17.6% ஆகியன எக்ஸ்புளோரரின் வீழ்ச்சிக்கு காரணாமாகும்.

எக்ஸ்புளோரரின் வீழ்ச்சிக்கு இன்னொரு காரணமாக கையடக்கத்தொலைபேசிகள் மற்றும் டெப்லட் கணனிகள் ஊடான இணையப்பாவனை அதிகரிப்பினைக் குறிப்பிடலாம்.

கையடக்கத்தொலைபேசிகள் மற்றும் டெப்லட் கணனிகள் ஊடான இணையப் பாவனையின் போது அதிகம் உபயோகப்படுத்தப்படும் உலாவியாக சாபாரி காணப்படுகின்றது.

இதன் சந்தைப்பங்கு 62 % மாகும்.

இதில் அண்ட்ரோய்ட் மற்றும் ஒபெரா மினி உலாவிகள் முறையே 2 ஆம் மற்றும் 3 ஆம் இடத்தினைப் பெற்றுள்ளன.

இயங்குதளங்கள்

டெஸ்க்டொப் கணனிகளுக்கான இயங்குதளங்களுக்கான சந்தையில் இற்றை வரைக்கும் முதலிடத்தில் இருப்பது விண்டோஸ் ஆகும்.

அதன் அருகில் கூட மற்றவையால் நிற்க முடியவில்லை. காரணம் அதன்சந்தைப் பங்கு 91.9% ஆகும்.

கையடக்கத்தொலைபேசிகள் மற்றும் டெப்லட் கணனிகளுக்கான இயங்குதள சந்தையில் ஐஒஎஸ் முன்னிலை பெற்றுள்ளது. இரண்டாவது இடத்தில் அண்ட்ரோய்ட் உள்ளது.

தேடல் பொறிகள்

டெஸ்க்டொப் கணனிகளின் தேடல் பொறி சந்தையில் கூகுளின் குரோம் முன்னணியில் உள்ளது .அதன் பங்கு 82.40 % ஆகும்.

கையடக்கத்தொலைபேசிகள் மற்றும் டெப்லட்களின் தேடல் பொறி சந்தையிலும் கூகுளே அதிகபங்கினைக் கொண்டுள்ளது.

இதில் யாஹூ இரண்டாவது இடத்தினைப் பெற்றுள்ளது.

இன்று நவம்பர் 5, பேஸ்புக்கை ஹெக் செய்வதாக சவால் விடுக்கப்பட்ட தினம்: முடியுமா அவர்களால்?

tamil — Sat, 05 Nov 2011 10:09:40 GMT

இன்று நவம்பர் மாதம் 5 ஆம் திகதி பேஸ்புக் சமூக வலையமைப்பினை ஹெக்கிங் செய்து நிறுத்துவதாக சவால் விடுத்திருந்தது 'Anonymous' என்ற பிரபலமான ஹெக்கர்களின் குழு.இது தொடர்பான செய்தியை அக்குழு வெளியிட்ட காணொளியுடன் நாம் உங்களுக்கு வழங்கியிருந்தோம்.

எனினும் இன்றும் அதாவது இச்செய்தி எழுதப்படும் வரை பேஸ்புக் வலையமைப்பு சிறப்பாக செயற்பட்டுக்கொண்டிருக்கின்றது.

' ஒபரேஷன் பேஸ்புக்' என அத்திட்டம் பெயரிடப்பட்டுள்ளதாக அக்குழு அறிவித்திருந்தது.

இச்செய்தியை நாம் எளிதில் புறக்கணித்து விடாத காரணம் அக்குழுவின் சில நடவடிக்கைகளாகும்.

கடந்த சில காலங்களாக பல முக்கிய நிறுவனங்களின் குறிப்பாக மாஸ்டர் கார்ட், பேபேல் மற்றும் அமெசொன் ஆகியவற்றின் இணையக்கட்டமைப்புகளை ஹெக்கிங் செய்திருந்தது.

ஆனாலும் அக்குழுவால் பேஸ்புக்கினை வீழ்த்த முடியாமல் போனதா? அல்லது அத்திட்டத்தினைக் கைவிட்டுவிட்டதா?

இது தொடர்பில் அக்குழு தகவல் எதனையும் இதுவரை வெளியிடவில்லை.

எனினும் இன்றைய தினம் முடிவதற்கு இன்னும் பல மணித்தியாலங்கள் உள்ளன.

எனவே பொறுத்திருந்து பார்ப்போம்!

இணையத்தளங்கள் மீது தாக்குதல் நடத்த சீனாவிலிருந்து நிபுணர்கள் குழு வருகை

tamilan — Tue, 16 Feb 2010 16:08:48 GMT

அரசின்
நாச வேலைகள் குறித்து உண்மைகளை அம்பலப்படுத்தும் இணையத் தளங்களையும் அரச
எதிர்ப்புப் பிரச்சாரங்களை மேற்கொள்ளும் இணையத்தளங்களையும் சைபர்
தாக்குதல் மூலம் செயலிழக்கச் செய்வதற்கு அரசாங்கம் முயன்று வருகிறது.

இதன் ஒரு கட்டமாக இந்தத் துறையில் நிபுணத்துவம் வாய்ந்த சீன நிபுணர் குழுவொன்று சிறிலங்காவிற்கு வந்திருப்பதாகக் கூறப்படுகிறது.

பிரசித்தி
பெற்ற கூகிள் நிறுவனத்தின் மீது சைபர் தாக்குதல் மேற்கொண்டு சீனாவில்
அவற்றைச் செயற்படாமல் தடுத்த சீன நிபுணர்களே இவ்வாறு சிறிலங்காவிற்கு
வந்துள்ளனர்.

இணையத்தளங்களைத் தடைசெய்யும் நோக்கம் எதுவும் இல்லை
என்று அரசு கூறி வந்த போதிலும் திரைமறைவில் இந்த நடவடிக்கைகள் துரித
கதியில் நடந்து வருவதையே சீன நிபுணர்களின் வருகை உணர்த்துவதாக ஆய்வாளர்கள்
தெரிவிக்கின்றனர்.

உங்கள் உடல் ஆரோகியமானந்தா என சரி பார்த்து கொள்ளுங்கள்.

tamilan — Thu, 11 Feb 2010 08:49:05 GMT